Ellerim bardı
Jump to navigation
Jump to search
Sorasań elimdi, Qojban, bizlerden,
Qalpaǵı qazanday ellerim bardı,
Qáte shıqsa keshirińler sózlerden,
Qıtay, Qońırat atlı ellerim bardı.
Jaylawım Úrgenish, arqası teńiz,
Jawırnı qaqpaqtay malları semiz.
Ruqsatsız bir-birine salmas iz,
Birlikli Qońırattay ellerim bardı.
Tabıladı izlegenniń keregi,
Kólinde bar qasqaldaǵı, úyregi,
Quwları, ǵazınıń pútin búyregi,
Dúnyanıń ańları kólimde bardı.
Ótirikti ras etip aytpaǵan,
Tuwrı joldan bas kesse de, qaytpaǵan,
Námáhremdi hasla joldas tutpaǵan,
Atı qaraqalpaq ellerim bardı.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse