El sior n.n in del portà a regalà...
Jump to navigation
Jump to search
Anonem lodesan (XVII sec.)
El sior n.n in del portà a regalà...
El sior n.n in del portà a regalà denter on pignaten di anolen a la morosa el caschè per terra. E 'l trè via el regal che l'aveva paregiat.
Sott'al frajol, si ben l'era d'estat
voltiat in un derussi, e vonc manten,
per desmorbà colè, che l'ha striat,
porteva el Papafigo on pignaten.
A mezza strada gnancamò rivat
el dè per terra, e 'l se rompè el sesen,
e fora del vas, tutt sfracassat,
el spunteghè la broda e i anolen.
El cas redicolos quaicun vedè;
e lu per el rosso de 'sto lavò,
in scambi d'andà innaz, el tornè indrè;
sicchè, per quella volta el bon Gogà
d'avè sentit l'odò se contentè,
e la masotta mandè zo el savò.