ჸინიშ ვარდი
Jump to navigation
Jump to search
ჸინიშ ვარდის გეუფალუ
ლორეშ ოლაჭვათირეს,
ჩქიმდა ფერი გეგნურაჸუ,
აბრალენა ძვაბრალეს.
ფურცელ აშო გემთუღალუ,
ყამას ქოგუ ვარჩხილერს,
კიდა პიტათ გაკუღალუ,
გურს მემოგუ ქარჩხილერს
გვალო ტყურათ ათუჩოქუ
დიაჩქიმი ბარბალეს –
ჸინიშ ვარდი ურთუანსუ
ჩქიმი ჭარა – ბარბალემს
აგოთანაშ ღიუ ღაუ
ვარუ იში რაწკალემს,
ვეში ჩინთი მუს ოხვარუ
იშ ნაჸვილა ლაწკარემს.