ხურხილი
Jump to navigation
Jump to search
მეურს დო ჭუათ ოკმართუ შური,
აკოკონკილი ცაში რკიალით,
მიბრტებუქ, შორშე მობთხოზუ რინა,
ჯერღვშე მონტებულ ფინქრიშ რსხიალით...
ქაშადინაფექ თოლ დო ხეშ შკასუ,
მებორებული თუნთიშ ჭყიშუას,
გეშარგვარგვალეს ზღვაშე დო ცაშე,
მივოჯინექი რთელო ჭყვიდუას –
სკანსუ დო გურშე ზისხირ ჭვეთანსუ,
აკოსკირაფილ ჩილამურითუ,
დუდქ ვამაჸვილუ, მარა გოლუა,
სო იბხართალა ათე რინითუ!