მი რე საცოდალი
Jump to navigation
Jump to search
უცხო ქიანას, მიკოლაფირც,
ჩაგრენდას სამართალი,
შურმალაფუ ღურუდას,
ინა ვარე საცოდალი.
კოჩი დაჩხჷრით იჭუდას
ცხჷროკჷნდას დოფა–ალი,
მაღურუუ ინგარდას,
ინა ვარე საცოდალი.
კოჩი ჟინიში ლეხი რდას,
ოჭირჷდას ხატიში ბრალი,
კისერც მუკუკვარჩხჷნდას,
ინა ვარე საცოდალი.
კოჩქ ქინანთხას მართუუს,
ორუუდას წყარიში ძალი,
პოპორი ოშქვიდუანდას,
ინა ვარე საცოდალი.
ადამიანც ჸოროფაში
უღუდას გურცუ ჭვალი,
გახანგებულ გილეშას,
ათენა რე საცოდალი.