დრო ვამჩანა გასაქანს
Jump to navigation
Jump to search
ზისხერს ქუდაბუნს დო თურმე დიხას ქინატაბაკანს.
უკულ გოჭყორდ, გოსისონდუ, მელე-მოლე წყარმალუს
ჯიშ დო ჯილაგ ქიმკაჭყორდუ, ჭიე-ჭიეთ გეფალუნს
მუჟამ დამბეფ ქუგახორცქუნ ხოლო გოჸუნს ინგირ წყარს
ონდო დიდაშ ნანა ქორშუნ, ონდო მუმაშ ნინა რწანს
დოშკურონდეს, დოშკურონდეს ართიანშა ვემერთეს
ჯინჯის, დიხას ქიმთოჸორდეს, გერთეს, ქოგნა მერეთეფს
მუთუნ არკო ვადგოკორდუ, მოისკვამუნ შხვაშ დო ჯგირ
სი სკან ნინა გუგოჭყორდუნ შხვაშ ნინაშა მუს მიწინქ,
ვაგწკალუე, ვაგწკალუე, დრო ვამჩანა გასაქანს,
ზისხერს ქუდაბუნს დო თურმე დიხას ქინატაბაკანს!