გვანჯი სიჭინას
Jump to navigation
Jump to search
ჭიჭე წიგნის აშახენა
სქან ლერსეფი მარგალური,
ბკითხულენქჷ მოხიოლჷ
ეფშა მაფუ შურ დო გური,
თეშ მასქვამა ნინაშ მინჯეს
ვართ გეთებუ ოცქვაფური
სქუაცალო სა-ოროფოთ
მიგოჩქ ნინა მარგალური
კალკანეშო კილი ვარე
მარგალური ვოუჩქჷნი,
მუშენ რენა ვაგმაგინჷ
ორგული დო უმადური,
ბრელც ონჯღორე დოვგურინე
გვალო ბრელცჷ დუვენდური.
დარდი თიქჷ გომირჩქინჷ
ვაგჷნჷნა ჯჷრდო ფური.
მუშენი რე ჩქჷნი ნინა
შხვაშ უფრაში დო უმინჯური
მუშენ ოკო მიდინანი
თეშ აზჷრც ქუვოღური,
მუჭო უჯგუ თე საქმეს
ვამიღუ სვანჯი ვამიღუ ლური,
გურცუ თინა მისოფუნცუ
მუთუნი ნძალა ვამიღუნი.
.........
გურიშ ჯიბეს ალახენა
სქან ლერსეფი მარგალური,
სახეთ ვაიჩინენქ მარა
ვამაფუქუ შხვაში თური.