تیری انکھیاں کے تصور میں سدا مستانہ ہوں
Jump to navigation
Jump to search
تیری انکھیاں کے تصور میں سدا مستانہ ہوں
دیکھ کر زنجیر تیرے زلف کی دیوانہ ہوں
گاہ سیر بوستاں کرتا ہوں گاہے سیر بزم
گاہ تیرے عشق میں بلبل ہوں گہہ پروانہ ہوں
گاہ مثل برہمن ہوں اے صنم زنار بند
ہات میں زاہد کے گاہے سبحۂ صد دانہ ہوں
کیا ہوا گر ہے دل صد چاک میرا تیرہ بخت
حسن کی زینت ہوں تیرے سرمہ ہوں گر شانہ ہوں
جب سوں ہے اس آشنا کی آشنائی کا خیال
نیں رہا ہوں آپ میں، میں آپ سوں بیگانہ ہوں
گوش رکھ میرا سخن سنتا ہے ہر اہل سخن
جب سوں میں بحر سخن کی سیپ کا دردانہ ہوں
ہے ازل سوں جلوہ پیرا دل میں حب مرتضیٰ
اس سبب داؤدؔ دائم دشمن بت خانہ ہوں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse