სანდრა–ელისაბედ რულოვსის
Jump to navigation
Jump to search
ჭკვერი ნოსა, სანდრა,
სოიშა მიოწკანტრა?!
გურს ლეკურეფჷ მჷმოგ,
არძა ხოლო წვანდრა,
გითოკვათილჷ ხურხეფით,
ეფშა მაფუ დრანდრა.
ტექსელს ჯიჯეფჷ მინთხორ
ვაღობუნა ღანდრა.
ჭკვერი ნოსა, სანდრა,
სოიშა მიოწკანტრა?!
ფრიგიშჷ გამნარჸი რექ,
ოდი რე ჩქინჷ დადრა,
ჩქი ბჟა ბხიროკუნან,
სი ჸინი რჭუნს ჭვათრა,
გურშა მეიხუტოლუ
ქომოლსქუა ღვაბრა,
ჸვალო ეშმაიღუ,
ჩქინი რინა ძგვაბრა,
ჭკვერი ნოსა, სანდრა,
სოიშა მიოწკანტრა?!
ჰოუნანას იბირქ,
ვემეიცენს ხანდრა,
ხეს გოილუა დუდშა,
სერსუ გინოღვანდრა,
სი მაპალუთ აკა,_
ცაშფერი დო ცხვანტრა,
ქეკიჸუნე კოლხი,
ოშშა გინაჭყვადრა,
ჭკვერი ნოსა, სანდრა,
სოიშა მიოწკანტრა?!