ჩქინი ჸოროფა
(Redirected from *ხვალე ართი რე)
ხვალე ართი რე გური ფალირი,
ბრელშა ნაჸვილა, ბრელშა ნკირელი,
ორე ჸოროფათ ჯოხოდვალირი
დო ნაპეულა, მუჭოთ პირელი.
ფუნცჷ ზისხირი, ცირეფჲ იბირა,
ტანცჷ უშქირატ ნოფა ოხოლჷ,
ირიათონიშ მიკნაკიბირა,
ირ ბორჯის დინოხ დინიხორხოლჷ.
მუ ხონარეფი მომიკორინე?
დეჸან, ჰე, გური, ფირქეფ ნარღვეფი,
ბოშკოჩურობათ ოკო გორჯგინე,
ლერსო დობჭარე სქანი ნარღეფი.
ასე არზეფი გოჭირ ჩხოროფა,
კინე ბორდიშა, ბრელშა ხაშილი,
ხვალე ართი რე ჩქინი ჸოროფა,
აფუნეფცალო ფსუაფაჩილი.